1) Kya ghusal karne ki koi dua sunnat se sabit hai? 2) Kya har ghusal ka tariqa alag alag hai ,aur duai bhi alag alag h? Ghusal ka Sunnah tariqa kya hai ?

Aap ka sawal:

Asalamulaikum warahmatullahi wa barakatahu….                          1) Kya ghusal karne ki koi dua sunnat se sabit hai?        2) Kya har ghusal ka tariqa alag alag hai ,aur duai bhi  alag alag h? Ghusal ka Sunnah tariqa kya hai ?

 

Jawab:

 

“Kya ghusal karne ki koi dua sunnat se sabit hai?”

 

Ji nahee.

Jiss andaz se poocha ja raha hai waise to koi ghusal ki koi khas dua nahee hai jo sunnat se sabit ho.

 

“Kya har ghusal ka tariqa alag alag hai ,aur duai bhi  alag alag h?”

 

Agar sahee mano mein dekha jaye to aisa nahee hai. Na gusal alag alag hai na dua alag alag hai. Magar iss baat ko samazhane ke liye thoda sa ilm thodi si samazh darkar hai. Main gusul ke tareeqe mein isko samazhata hoon.

 

 

“Ghusal ka Sunnah tariqa kya hai ?”

 

Gusul, arabi zubani mein kehte hain “dhone” ko jaise mooh dhona haath dhona etc etc.

Isi munasibat se gusul e janabat hai aur gusul e aam.

Ye koi gusul ki qismein ya types nahee hain. Asal to hai gusul e janabat hi.

Shadishuda mard ya aurat sohbat ke baad aur gair shadishuda ladka ya ladki ehtelam ke baad jo na-paaki hoti hai usko door karne ke liye jo gusul kiya jaye wo gusul e janabat hai.

 

Aisi napaki ke alawa aisa gusul jo refresh hone liye, kisi khas galazat ko door karne ke liye ya haiz ke dinaun mein gusul karne ko aam gusul kehte hain. Aise gusul insan ki jismani zarurat hoti hai aur gusul e janabat insan ke ibadati umoor ki zarurat hoti hai yani gusul e janabat kiye bagair aap namaz nahee ada kar sakte.

 

Aam gusul aap ko jaise karna hai kihiye, magar gusul e janabat sunnat ke mutabiq kijiye.

 

Gusul e janabat ka tareeqa:

1. Hammam mein dakhil hote hi left hand se sharmgah aur uske atraf ki cheezaun ko dhona aur jahan jahan najasat lagi ho dhona. Iss mein bagalaun ka dhona bhi shamil hai aur aisa jagah jahan aam taur par paani nahee pahoonch paata.

 

2. Fir left hand ko, jiss se najasat saaf ki hai uss ko dhona.

 

3. Namaz ke liye jiss tarah wazu karte hain ussi tarah wazu karna siwaye sarr ke massah ke. Aur wazu ki ibteda se pehle dill mein aahista se BISMILLAH kehna zaruri hai (yehi gusul ki dua hai agar samazho to).

 

4. Poore Sarr ke balaun ki jadaun taak paani pahoonchana kam az kam teen baar.

 

5. Right side ke kande par ek baar paani dalna

 

6. Left side ke kande par ek baar paani dalna.

 

7. Ab Apne poore badan ko jiss tarah chaho nehla sakte hain.

 

8. Agar hammam saaf sutra yani tiles wala hai to wazu ke waqt hi apne pair dho lena warna hammam ke bahar aa kar apne pair dhona.

 

 

Gusul mein eajad ki gayi bida’atein (yani aisa karna mana hai):

1. Iss tarah niyyat karna jaise niyyat karti hoon gusul e janabat ki wagaira wagaira.

2. 4 farz 3 sunnatein 17 mustahab etc etc.