Agar koi sakrat ke aalam me ho tu kya usko Surah Yaseen sonnana chahiye?

Aap ka sawal:

Assalamualaikum Warhmatullahi Wavarkatu,

Agar koi sakrat ke aalam me ho tu kya usko Surah Yaseen sonnana chahiye?

 

Jawab:

Agar hadith ki kitabaun ka mutaliya karte hain to humein maloom hota hai ke agar sure yaseen ke talluq se 10 hadithein hain to unn mein 9 hadithein jhooti hain aur nabi s.a.w. ki taraf mansoob ki gayi hain. Jinn mein se ye baat bhi hai jo sawal mein poocha gaya hai. Issi tarah ek aur mashoor baat sure yaseen ke talluq se batayi jati hai ke

“Har cheez ka dill hai aur quran ka dill yaseen hai”

Ye hadith bhi jhooti hai aur nabi s.a.w. ki taraf galat mansoob ki gayi hai.

 

Lihaza ab humein maloom huwa ke sakrat ke aalam mein koi ho to usko sure yaseen nahee sunana chahiye iske barr khilaaf uske aage kalma e tauheed padhana chahiye.

Nabi s.a.w. ne farmaya

“Inn mal aamalu bil khawateem”

Yani aamal ka dar wa madar khatime par hai.

Iss liye jiska aakhari kalima la ilah illallah ho wo kamyab ho ga.