Agr kisike faraz roze qaza hoe ho.or wo bajae qaza roze pure karne ke nafil roze rakhe.kya Ye sahih hai?

Aap ka sawal:

Assalamualaikum,

Agr kisike faraz roze qaza hoe ho.or wo bajae qaza roze pure karne ke nafil roze rakhe.kya Ye sahih hai?

 

Jawab:

Jin logaun ke faraz roze reh gaye hoon wo log nafil roze na rakhein.

 

Ramzaan ke roze kab reh jate hain jin ki qaza karna zaroori hai.

1. Safar ki halat mein hoon.

2. Bimaar hoon.

3. Haiz ki halat mein hoon.

4. Nifaas ki halat mein hoon

5. Hamila hoon.

6. Doodh pilane wali maa.

 

Inn 6 halataun mein aap faraz roza chore sakti hain aur inki qaza baad mein zaroor karein.

Ramzan ke qaza roze agla ramzan aane se pehle pehle rakh lein. Agar na rakh sakein to poori zindagi mein kabhi na kabhi to rakhana hi hai.

Mayi Aayisha r.a. farmati hain ke mere jo roze ramazan ke ayyam e haiz ki wajah se reh jaate main unko rakh na paati rasool s.a.w. ki khidamat karne ki wajah se. Fir main agle ramazan se pehle rakh leti (bukhari).

 

Jab faraz rozaun ki ahmiyat itni hai ke unko poori zindagi mein kabhi na kabhi rakhana hi hai to koi kaise faraz ko chore kar nafil roze rakh sakti hai ! ?.