Akhsar gharo aur Muslim shops mein deewaro per Quran ki verses n chapters ko firm kar ke lagaya jata h jin per likha hota h Makan o Dukan ki khair o barkat keliye. To kya ye sahih h?

Aap ka sawal:

Q:

Akhsar gharo aur Muslim shops mein deewaro per Quran ki verses n chapters ko firm kar ke lagaya jata h jin per likha hota h Makan o Dukan ki khair o barkat keliye.

To kya ye sahih h?

 

Jawab:

 

1. Quran iss dunya mein iss liye nazil huwa hai taake log uss ko padhkar samazhein aur uss par amal karein.

 

2. Quran ki aayataun ko ghar aur shops mein latkana jayaz hai agar unn aaytaun ko yaad karna maqsad ho.

 

3. Quran usi ko kehte hain jo arabi mein ho. Quran uss ko nahee kehte jo numbers mein ho.

 

4. Kaunsi quran ki aayat se kya fayda hoga ye hamein allah ya fir uska rasool s.a.w. batayenge.

 

5. Jiss togre mein ek aadh aayat ho aur baaqi numberat yani eadad ho ya fir koi naksh wa nigar ho aur uss par ye likha ho ke iss ke dekhane se aur isko latkane se ghar ya dukan mein barkat aati hai etc etc to aisi cheez ko taweez kehte hain. Aisi cheez ka istemal nahee karna chahiye.

Aisi cheezaun se aqeede bigad jate hain.

 

6. Nabi s.a.w ne farmaya

INNARRUQA WATTAMAIM WATTAWATU SHIRKUN

Yani

Beshak shirkiya mantar padhana, taweez gande karna aur kade challe pehanana ye sab shirk hai. (Sunan ibn e maaja)