Arab or ajam mein kyu itne iktelaf hai? Aur arabs kehte k unka sislsila nasab mohammad s.a.w se ja milta hai ,toh ajam logo ka kis se sil sila nasab milta?

Aap ka sawal:

Asalamalaikum warahmatulahi wa barakatahu.. 1) Arab or ajam mein kyu itne iktelaf hai? Aur arabs kehte k unka sislsila nasab mohammad s.a.w se ja milta hai ,toh ajam logo ka kis se sil sila nasab milta?

 

Jawab:

Yahaan jo sawal hai wo islami eatebar se nahee  kiya gaya balke qabeele aur khandan ke eatebar kiya gaya hai.

 

Islami eatebar se to arab wo sabhi log hain jo arabastan yani jaziratul arab mein paida huwe. Aur ussi ke muqeem hain. Aur ajam inn ke alawa baaqi sabhi ko kehte hain.

 

Iss eatebar se to zahir si baat hai dono mein faraq rahega. Magar shariyat ke eatebar se inn dono mein koi faraq nahee hai. Goya ke arab ko ajam par ya ajam ko arab par koi fazilat nahee hai.

 

 

Ab aayiye qabeele aur khandan ka faraq dhekhate hain.

 

Jaziratul arab ke alawa jitne log apne aap ko arab kehte hain wo arab ho nahee sakte. Wo asal mein ek qabeele aur khandan ki taraf ishara karte hain. Jaise agar koi apne aap ko khan ya pathan kehta hai to iss ka matlab ye nahee hai ke wo asal mein afganistan ke hain. Jab ke inn ki paidaish aur poori zindagi aurangabad ya india mein guzri to ye afgani kaise ho sakte hain.

Issi tarah apne aap ko arab kehne se arabi nahee ho jate. Jabke paidaish aur rehan sahan poora apne ilaqe mein hai.

 

Ab aayiye apne aap ko arab kehne wake kaun hain ye jaan lein.

 

Jab logaun mein firqa parasti aur taqleed aam huwi to koi apne aap ka hanfi aur koi shafai kehne laga.

Jo apne aap ko shafai kehte the wo hanfi se alag aur behtar batlane ke liye apne aap ko arab se jodne lage aur apne aap ko arab kehne lage.

Arab hargiz wo nahee hain jo mohammad s.a.w. ke silsile ke hoon. Jo aap s.a.w  ke silsile ka ho uss ko AHLE BAIT kehte hain.