assalamualaikum mera sawal hai k kya ramzan me poori raat jagna aur sahar aur fajr k baad 11/12 tak sona kaisa hai?

Aap ka sawal:
assalamualaikum mera sawal hai k kya ramzan me poori raat jagna aur sahar aur fajr k baad 11/12 tak sona kaisa hai?

Jawab:
Sawal bohat mubham hai. Yani iss sawal ke bohat se maane nikal sakte hain.
Sawal tanqeedi bhi nazar aa raha hai aur ta’areefi bhi.

Main pehle tareefi taur par jawab deta hoon.
Agar koi shaks raat bhar ibadat kare aur subah sehari kare aur fajar ki namaz padh kar 11 ya 12 baje takk ya zohar takk so jaye to iss mein koi harj nahee. Iss se na roza makruh hota hai aur na hi roza tootata hai.

Ab issi sawal ko tanqeedi nazar se dekhate hain.
Agar koi shaks raat bhai jaage aur jagane ki koi khas wajah na ho aur fir sehari kare fir fajar padhe aur so jaye iss liye ke issi bahane aadha roza yu hi katt jayega sirf aadhe roze ko dikkat se guzarna hoga, to aisa karna galat hai.

Ab aayiye, aap ke asal sawal ka jawab deta hoon.
Agar rozedaar fajar se lekar zohar takk soya rahe to iss mein koi harj nahee aur na hi wo gunehgaar hoga aur na hi uska roza makruh hoga. Magar iss ki aadat bana lena achchi baat nahee hai. Ramazan saal mein ek martaba aata hai agar iss mahine se koi apni magfirat na kara sake to wo bohat bada mahroom shaks hai.