bachcho ke jamal bal ka kya karna hai us ke mutaliq tafsil de

Sawal:
Mere sawal, hai ke bachcho ke jamal bal ka kya karna hai us ke mutaliq tafsil de

Asked By : Taher Alhamed (Aurangabad, MH, India)
Asked on : 15-10-2014, 10:13am
Asked In : Faham-e-Quran 4 group
—————-

Jawab:
Aam taur par log jamaal baal kehte hain unn balaun ko jo maa ke peth se ek bachcha le kar aata hai, Agar unn ko kaat diya gaya phir uss ke baad aane wale baalaun ko jamal baal nahee kehte.

Jo jamaal baal kaat diye jaate hain unn ki islam mein koi khaas ahmiyat nahee hai.
Log unn baalaun ko muqaddas baal samazhate hain., ye logaun ki galat fehmi hai.
Medically agar dekha jaye to wo dusre baal ke muqabale mein bohat ziyada najas aur gande hote hain.
Aise balaun ke saath aap jo chahe kar sakte hain, iss ke talluq se koi bhi aqeeda na rakhein. Inn balaun ko bilkul aam baal ki tarah hi samazhein.

Logaun ki ek badd aqeedagi inn balaun ke talluq se ye payi jaati hai keh, jamal baal par jadoo (Magic) jaldi ho jata hai.
Ye baat bilkul dusrust nahee. Aise aqeede hi insan ko shirk aur kufr ki taraf le jaate hain.

Nabi-e-kareem s.a.w. ne ek hadith mein inn balaun ka zikar kiya hai, aur humein hukum diya hai ke bachche ke jamal baal jab kaate jayein to unn ko tole kar (yani wazan kar ke) uss ke barabar chandi khairat karein. Aisa iss liye nahee keh ye baal muqaddas hain balke iss liye kyunki aisa karna uss bachche ka haq hai, aur ye haq ada karne ka hukum humein nabi s.a.w. ne diya hai.

Hadith mein ALLAH ke nabi s.a.w. ne apni beti Fatima r.a. se mukhatib ho kar iss tarah kaha,
يَا فَاطِمَةُ، احْلِقِي رَأْسَهُ، وَتَصَدَّقِي بِزِنَةِ شَعْرِهِ فِضَّةً

Tarjuma:
Aye Fatima, Iss ka sarr mundhao, Aur unn balaun ke wazan ke barabar chandi khairat karo.
(Sunan Tirmizi : 1519)

Jab iss sunnat par amal ho jaye, tab aap unn balaun ka jo chahe so kar sakte hain.

————————
Note: Please dont alter / edit this msg when you are farwarding. This is one type of Khiyanat in the eye of writer.
Meharbani kar ke iss msg mein koi tableeli ya kami wa beshi na karein. Ye ek tarah ki khiyanat hai musannif ki nogah mein.
Aur kisi ki mehnat ko zaya karna achchi baat nahee.
————————

For more Que. / Ans. , visit here:
http://www.sirajinamdar.com/index.php/all-que-and-ans/

Agar aap Siraj bhai ke QURAN aur SAHEE HADITH ke msgs chahte hain to iss number par “Add Me” likh kar msg send karein,
WhatsApp No.: +918007775053