bhai mera sawal hai k m jb namaz parhta hun to mera demagh namaz ki ayat m nhn balky doosri cheezon m hota hai iss hawaly sy agar aap kuch batana chahiyen to meherbanio hogi.

Jabbar bhai

 

Aap ka sawal:

bhai mera sawal hai k m jb namaz parhta hun to mera demagh namaz ki ayat m nhn balky doosri cheezon m hota hai iss hawaly sy agar aap kuch batana chahiyen to meherbanio hogi.

 

Jawab:

Namaz mein khushu aur khuzu sirf allah ki taufeeq se hota hai.

 

Fir bhi inn bataun ka khayal rakhein.

 

1. Jo chezein namaz mein padhi jati hain unka tarjuma maloom kar lein. Iss se aasani hoti hai.

 

2. Arabi ko khalis tajweed se padhein. Iss se arabi adaa karne mein maza aata hai.

 

3. Allah ke aage apni bandagi ka ahsas rakhein keh wo hamein dekh raha hai.

 

4. Ek hi waswasa agar baar baar aaye to apne left side ta’awwuz padh kar thoda sa thu thu karein.

 

Sab se aakhri baat

Insan ka dimag ek highway ki tarah hai. Jiss par har choti badi gaadi chal rahi hai. Jiss tarah aap highway par ek choti gaadi bhi rukana pasand nahee karte jiss se trafic jam ho jaye aur accidents ho jaye, ussi tarah namaz mein mukhtalif qisam ke khayalat aate rehte hain. Inhein aane aur jane dein. Inn khayalat mein se kisi ek chote khayal ko bhi matt rokein. Aur uss par matt sochein. Warna khayalat ka traffic jam ho jayega. Aur accident yani namaz mein bhool chuke ho jayegi.