Bida’at ki kuch misalein dijiye plz.

Aap ka sawal:

Assalamualaikum,

Bidato kuch misale dijiye plz.

 

Jawab:

Misale ke taur par,

Allah ke rasool s.a.w. ne cheenk aane par ALHAMDULILLAH kehna sikhaya hai.

Aisa hi kenha sunnat hai. Ab iss mein kisi bhi qisam ki tabdeeli karna bidaat kehalata hai. Chahe wo tabdeeli kisi bhi niyyat se kyun na ki jaye biddat hi kehlati hai. Jaise iss mein inn alfaaz ka izafa karna RABBIL AALMEEN taaki sure fateha ki aayat mukammal ho jaye. Ya iss aayat ko padhane se ziyada sawab milega. Ya quran ki aayat padhane ka bhi sawab mill jayega. Ya fir allah ki tareef kuch ziyada karenge etc etc.

Iss qisam ki niyyat ke ba-wajood bhi aise alfaz ka izafa karne wala bidaati kehlata hai.

 

Aisa kyun?

Aisa iss liye ke kaunsa amal kis tarah, kis dhang se, kaise tareeqe se, kin alfaaz ke saath, kis waqt par, zore se ya aahista, ye sab kuch nabi s.a.w ko behtar samazhta hai. Unn ki samazh ko nauzubillah kamtar samazhna aur apni taraf se kisi bhi qisam ka izafa karna ye nabi ki shaan mein gustakhi bhi hai. Aur apne aap ko nabi s.a.w. se behtar samazh kar apna imaan bhi zaya karna hai.

 

Iss ek misal se ab aap har amal ka jayza le sakte hain.

 

Ab zara sochiye, jo amal maujood tha uss mein kisi qisam ki tabdeeli bidaat hai to jo amal hai hi nahee usko sunnat ya islam ka hissa samazh kar amal karna kitna bada gunah hai.

 

Biddati gunahgaar se bhi bada gunehgaar hota hai. Gunehgaar ki toba qubul ho sakti hai magar bidaati ki !?.

Bidaati apne har amal ko sunnat ya islam ka hissa samazh kar amal karta rehta hai iss liye wo kabhi apne iss gunah se toba hi nahee karega.