Darga ke samne tazim ke ley khada rahna shirk hai kya?, agar shirkh hai to fir kisi bade insan ke samne khda rahna bhi shirk kahenge kya?

Sawal :
Darga ke samne tazim ke ley khada rahna shirk hai kya?, agar shirkh hai to fir kisi bade insan ke samne khda rahna bhi shirk kahenge kya?

Asked By : Abdul Wahid (Altmash Clny, Aurangabad, MH, India)
Asked at : 02 – 10 – 2014, 3:21pm
Asked In : Faham-e-Quran 4 group
—————-

Jawab:
Ji nahee.
Kisi bade insan ke aage khade rehna shirk mein dakhil nahee.

Shirk kehte kis ko hai aayiye iss ko jaan lete hain,
Makhlooqat mein se maa fauqul asbab ke tahat kisi makhlooq se darna, khauf khana ya ummed lagana, madad mangana, duhayi dena, nazar aur mannat maanana, uss ke liye ibadat ke wo umoor anjaam dena jo khaas ALLAH ke liye hain. Iss ko shirk kehte hain.

Maa fauqul asbab ka kya matlab hai?
Maa fauqul asbab yaani, wo cheezein jo asbab ke bahar ki hain. ALLAH ne iss dunya ko sabab ki dunya banaya hai. yani iss dunya mein har mamala kisi na kisi sabab aur zariye se hota hai. Dunya ka koi bhi kaam bagair zariye aur sabab ke nahee hota, agar ho jaye to ya to wo MUA’AJIZA hota hai ya KARAMAT.
Jaise, bhook mitane ke liye khana khaya jaata hai, pyas bujhane ke liye paani piya jaata hai. ye zarayiye hai.
Issi tarah main kisi shaks se madad mangu, aur wo mere pass ho, aur jo maine uss se manga wo apna haath badha kar lene aur dene par qadir ho, to iss ko shirk nahee kehte. Ye to a’ain madad huwi.

Iss ke bar khilaf, main kisi aisi hasti se madad mangu jo iss dunya ka na zariya hai aur na hi sabab. Saare asbab ko chore kar main uss hasti se madad mangu to yehi shirk kehlayega.

Issi tarah, musabbabul asbab sirf ALLAH hai, yani asbab ka paida akrne wala sirf ALLAH hai. Kisi aur ko musabbabul asbab samazhana bhi shirk mein dakhil hai. Yani kis walee ya hasti se iss tarah ki dua karna ke mere liye zariye aur asbab banayiye, ye bhi shirk mein dakhil hai.

Ab aayiye asal masale ki taraf,
Kisi bade insan ke aage khade rehne mein gulu nahee karna chahiye. Wo zinda hasti jitna fayda de sakti hai utni ummed lagane mein koi harj nahee aur wo zinda hasti jitna nuqasan kar sakti hai utna uss se darne mein koi harj nahee, yehi a’ain fitrat-e-insan hai.
Jaise, hamare aage achanak koi bada saamp (snake) aa jaye aur hum uss ke nuksan se darein to ye shirk mein dakhil nahee, kyunki saamp iss dunya ke asbab mein se ek sabab hai jo insan ko nuksan pahooncha sakta hai. Waise bhi darna insan ki fitrat mein hai.
Agar yehi darr wa khauf aur ummeed asbab ko chore kar ho to shirk mein dakhil hai.

Dargha ke samane ta’azeeman khade rehana uss hasti se ummeed lagate huwe ya darte huwe to yaqeenan ye shirk mein dakhil hai. Kyunki dargha ke walee iss dunya ke zariye aur asbab mein dakhil nahee aur na hi wo iss dunya ka hissa hain. Wo ab aalam-e-barzakh ka hissa bann chuke hain. Ab jo hasti iss dunya ke asbab mein se hi nahee hain to uss se madad mangana, ya ummed lagana kaise durust huwa?

Iss mazmoon par be-shumar dalail hain, asal hai iss taheed ko samazhana. Jinn logaun ko daleel darkar hai wo apni poori zindagi mein kam az kam ek martab apni madari zuban mein QURAN ka mutaliya karein.

————————
Note: Please dont alter / edit this msg when you are farwarding. This is one type of Khiyanat in the eye of writer.
Meharbani kar ke iss msg mein koi tableeli ya kami wa beshi na karein. Ye ek tarah ki khiyanat hai musannif ki nogah mein.
Aur kisi ki mehnat ko zaya karna achchi baat nahee.
————————

for more Que. / Ans. , visit here:
http://www.sirajinamdar.com/index.php/all-que-and-ans/

Agar aap Siraj bhai ke QURAN aur SAHEE HADITH ke msgs chahte hain to iss number par “Add Me” likh kar msg send karein,

WhatsApp No.: +918007775053