Ek hindu hai woh bolta hai ki us ne islam qubool kiya par khatna nahi ki To kiya woh bina khatna k islam me hai ya nahi?

Farhan bhai

Aap ka sawal:
Ass salam alaykum Siraj bhai bhai ek masla tha us k bare me aap se puchna tha.
Ek hindu hai woh bolta hai ki us ne islam qubool kiya par khatna nahi ki
To kiya woh bina khatna k islam me hai ya nahi?

Jawab:
Khatane ka talluq na imaan se hai aur na hi islam se hai balke iska talluq aien fitrat se hai. Yani iska talluq musalman hone se nahee hai balke insan hone se hai.
Agar sahee bukhari ki hadith-e-jibrael dekhein to pata chalta hai ke khatane ka zikar uss hadith mein na imaan mein kiya gaya aur na hi islam mein.

Behare haal, agar koi shaksh ye kahe ke main sab se achcha insaan hoon magar main kabhi nahaoonga nahee. Zahir si baat hai aise shaksh ko aap yehi kahenge ke aap ba zahir insan to hain magar aap ke andar insan ki sifaat payi nahee jaati. Kyunki paak wa saaf rehna insan ki sifaat mein se hai. Wo kabhi nahayega nahee aisa ho nahee sakta.
Bilkul issi tarah khatana karna saaf safayi ke aala kamaun mein se hai aur ye insaan ki sakht buniyadi zarurat hai.

Khatana karna sunnate habeeb bhi hai aur sunnate ibraheem bhi.

Agar koi musalman iss liye banta hai taake jannat hasil kare. To uss ko ye bhi yaad rakhana chahiye ke nabi ki ita’at ke bagair kabhi jannat nahee milti.