flan flan kam ho jaye to namaz mangna ya fir roze mang lena sahi hai kya?aur baad main unki adaigi mai taqeer ho jaye ya fir hum wo bhul jayein to kya krna chahiye ?

Aap ka sawal:

Assalam-u-alaikum,flan flan  kam ho jaye to namaz mangna ya fir roze mang lena sahi hai kya?aur baad main unki adaigi mai taqeer ho jaye ya fir hum wo bhul jayein to kya krna chahiye ?

 

Jawab:

Isko islam mein MANNAT ya nazar manana kehte hain.

Ye bhi ek ibadat hai. Nazar aur mannat sirf allah ke liye  maani jaye to ye tauheed hai aur yahi mannat kisi aur se maani jaye to ye shirk hai. Jaise aam taur par log dargah par mannat mangte hain ke baba agar muzhe beta huwa to main aap ke liye 10 roze rakhungi ya itni namazein padhungi wagaira. Ye sab shirk mein dakhil hai.

 

Allah ke liye nazar wa mannat mangana jayaz hai.

Allah ke liye mani gayi nazar jab ibadat mein dakhil hai to aap usko bhool nahee sakti. Takheer ho sakti hai magar bhoolna nahee chahiye. Agar kabhi bhool bhi gaye to koi baat nahee jab yaad aaye uss nazar ko poora karein.

Magar nazar wa mannat ke taluq se ye hadith yaad rakhein aap ke bade kaam aayegi.

Nabi s.a.w. ne farmaya

Nazar ya mannat taqdeer ko badal nahee sakti, ye to bas kanjoos ke jeb se paisa nikalti hai (sahee bukhari wa sahee muslim).