Interest yani sood ka jo paisa bank mein jama ho jaata hai uss paise ka kya karein?

Rayyas bhai

Aap ka sawal:
Assalamwalsykum siraj bhai mera Ek sawal hai hamara bank balance hota hai bank me to us me kuch entrees milta hai use kis tarha use kiye jaye is per roshni daliye?

Jawab:
Sab se pehle jitna ho sake bank aur bank ke karobaar se door rahein. Kyunki uss mein soodi karobar hota hai. Kisi bhi qisam se soodi karobaar se talluq rakhane wala allah aur uss ke rasool se ealan e jang karta hai.
Ab baaz auqaat aisa hota hai ke chand na guzer halaat ke tahat bank ka a/c maintain karna padhata hai. Jaise salary a/c wagaira.
Aisi surat mein jo half yearly ya quarterly interest jama hota hai uss ka kya kiya jaye?
Aisi raqam ka hisab rakh kar jo raqam jama ho usse aise kisi majboor shaks ko diya jaye jiss se uss ki buniyadi zarurat poori ho. Aur iss qisam ki madad karne par kisi sawab ki ummeed ya niyaat na rakhein.

Iss talluq se iss raqam ke istemal ki kuch galat fehmiyaan,
1. Interest ki jama shuda raqam latrin bathroom mein laga sakte hain chahe wo ghar ki hoon ya masjid ki (galat hai).
2. Aisi raqam se logaun ki education ke liye madad karna (galat hai).
3. Aam medical sahulat faraham karna jiss ke bagair bhi wo zinda reh sakta ho (galat hai).
Wagaira wagaira.

Haaji bhai

Aap ka sawal:
Siraj bhai kya gareeb musalman jisko paise ki zarurat ho usko sood ka paisa de sakte hai agarche wo rishtedar ho ?? Plz batae ??

Jawab:
Iss mein sab se pehle ek baat ka khayal rakhein ke jiss ko bhi aap wo paisa dein sawab ki niyyat se na dein.
Aur dusri baat, koshish iss baat ki karein ke aap jiss ki madad karein wo uss ki bunyadi zarurat ho. Agar aisa na bhi ho paye to aap zarurat mand ko de do chahe wo rishetadar kyun na hoon.