jab hame koi kudrati takleef milti hai to hum kaise samjhe k hame saza milrahi hai ya aazmaish hai…agar saza ho to hum kaise jane ki hamari galtiyan kya hai…..aur agar aazmaish hai to uski muddat kab tak hoti hai….agar is aazmaish me dil dukhta hai to hum allah se kya maange…jab k hame pata ho k wo khushi hame kabhi wapas nahi milsakti.aur hum taklifo se buch nahi sakte…………(dua ki darkhast)

Aap ka sawal:

Assalamoalaikum………..jab hame koi kudrati takleef milti hai to hum kaise samjhe k hame saza milrahi hai ya aazmaish hai…agar saza ho to hum kaise jane ki hamari galtiyan kya hai…..aur agar aazmaish hai to uski muddat kab tak hoti hai….agar is aazmaish me dil dukhta hai to hum allah se kya maange…jab k hame pata ho k wo khushi hame kabhi wapas nahi milsakti.aur hum taklifo se buch nahi sakte…………(dua ki darkhast)

 

Jawab

“jab hame koi kudrati takleef milti hai to hum kaise samjhe k hame saza milrahi hai ya aazmaish hai”

 

Dunya ki har takleef qudrati yani taqdeer se hi hai. Kuch apni galtiyaun se kuch dushmanaun ki galti se kuch taqdeer se aisa kuch nahee hai. Sab kuch taqdeer se hi hai zariya koi bhi ban jata hai kabhi khud kabhi dushman kabhi shaitan etc.

 

Jo takleef aaye, agar uss par dill pareshan hai to ho sakta hai ke allah ki pakad ya saza ho. Agar musibat aane par dill mutamainn ho to samazhiye ye aazmaish hai.

 

 

” agar saza ho to hum kaise jane ki hamari galtiyan kya hai.”

 

Insan to galtiyaun ka putla hai. Jo galtiyan sarzad ho unki rabb ke aage maafi mangiye.

Kis galti ki bunyad par saza mill rahi hai aisa matt sochiye. Agar allah saza dena chahe to bagair kisi galti ke bhi de aur usko koi rokne wala nahee. Behtar ye hi hai ke apni tamam galtiyaun ki maafi mangte rahein. Nabi s.a.w. to dinn mein 70 se ziyada marta apne rabb se maafi mangte the.

 

 

” aur agar aazmaish hai to uski muddat kab tak hoti hai”

 

Aazmayish ki koi muddat nahee hai. Ye allah ki marzi par munahassir hai. Jitni aazmayish chahe le. Jitni aazmayish utni nekiya aur utne ki darje bhi buland hote hain.

 

 

” agar is aazmaish me dil dukhta hai to hum allah se kya maange…jab k hame pata ho k wo khushi hame kabhi wapas nahi milsakti.aur hum taklifo se buch nahi sakte”

 

Takleef hona aur rona aana ek fitrati baat hai. Agar aisa ho jaisa aap ne bataya hai to ye dua mange.

INNA LILLAHI WA INNA ILAHI RAJIOON

ALLAHUMM AJIRNI FEE MUSEEBATI WAKHLUF LI KHAIRAM MINHA.

Yani beshan hum allah ke hain aur beshak hum usi ki taraf lautaye jayenge.

Aye allah muzhe meri iss musibat mein muzhe achcha badla aur sawab de. Aur (jo cheez kho gayi hai) uss ke badle muzhe uss se bhi achchi cheez ata kar.

(Sahee Muslim).

Ye dua bohat barkat wali hai.

 

Aur ek badi pyari hadith sunn lijiye.

Nabi s.a.w. ne farmaya

Agar momin ko koi takleef hoti hai to allah uss ke gunah maaf kar deta hai chahe usse koi kanta hi kyun na chuba ho. (Bukhari)