jo bimari la ilaj hoto hai…jaise cancer. Dibetetes. .kia ye nazar bad hai ya jadu

Sawal:
Siraj bhai mera nam azhar khan hai or mai aurangabad rohilagalli se hun mera ek sawal hai ap se….jo bimari la ilaj hoto hai…jaise cancer. Dibetetes. .kia ye nazar bad hai ya jadu

Asked By : Azar Khan (Aurangabad, MH, India)
Asked on : 15-10-2014, 11:15pm
Asked In : Faham-e-Quran 2 group
—————-

Jawab:
Aisi bimari jo la ilaaj hoti hai, sab se pehle wo na nazar-ebad hai aur na hi jadoo balke wo ek taqdeer ka hissa hai.
ALLAH tabarak wa taala, jo musabbaul asbab hai, iss dunya mein jiss ko chahe museebat mein daal de, aur jiss ko chahe museebat se nikal de. Aur iss kaam ke liye wo kisi bhi zariye ka istemal kar sakta hai. ALLAH apni marzi ka malik hai wo jo chahe so kare.
ALLAH paak QURAN mein kehta hai,
وَمَا تَشَاءُونَ إِلَّا أَنْ يَشَاءَ اللَّهُ رَبُّ الْعَالَمِينَ

Tarjuma:
Aur tum jo chaho wo nahee ho sakta, magar wahi jo ALLAH jo chahe, wo saare jahanaun ka rabb hai.
(Sure Takweer : 29)

Ab ALLAH ko koi la ilaaj bimari dena ho to ALLAH kisi bhi zariye se ye bimari de sakta hai. humein sab se pehle ussi ALLAH se darna chahiye, phir uss ke baad zariye ki taraf iltefat karna chahiye.

Nazar-e-bad se insan ka qatal ho sakta hai to cancer aur diabetic bimari bhi ho sakti hai.
Issi tarah jadoo ke asar se nabi-e-muhtram s.a.w. bimar ho sakte hain to issi jadoo se cancer aur diabetic bimari bhi ho sakti hai.

Agar cancer aur diabetic ki tash’khees aur jaanch karne par wo medical bimari nikalti hai to uss ko goli dawa aur medicine se uss ka ilaj karna chahiye.
Agar inn se ilaj na ho, ya wo medical bimari na ho, to kisi maahir raaqi (wo shaks jo QURAN aur SAHEE HADITH se ilaj karta ho) ki taraf iltefat yani ruju kiya jaye.
Jo log ilaaj aur mua’lija ke maidan mein hain, wo log inn bimariyaun ke symptoms aur alamataun ko dekh kar ye bata sakte hain ke wo bimari nazar-e-badd se hai ya jadoo se. Behre haal agar inn ka ta’ayyun na ho sake tabb bhi humein QURAN aur SAHEE HADITH ke ruqya se ilaj karna chahiye, kyunki ye bhi ilaj ke sahee zariyaun mein se ek zariya hai. Ab chahe wo koi bhi bimari kyun na ho, insha ALLAH, ALLAH mareez ko shifa de sakta hai.

————————
Note: Please dont alter / edit this msg when you are farwarding. This is one type of Khiyanat in the eye of writer.
Meharbani kar ke iss msg mein koi tableeli ya kami wa beshi na karein. Ye ek tarah ki khiyanat hai musannif ki nogah mein.
Aur kisi ki mehnat ko zaya karna achchi baat nahee.
————————

For more Que. / Ans. , visit here:
http://www.sirajinamdar.com/index.php/all-que-and-ans/

Agar aap Siraj bhai ke QURAN aur SAHEE HADITH ke msgs chahte hain to iss number par “Add Me” likh kar msg send karein,
WhatsApp No.: +918007775053