kay hum jab phon aay to uthate tab hello nhi bolna chahiye?

Aap ka sawal:

Q.kay hum jab phon aay to uthate tab hello nhi bolna chahiye?

 

Jawab:

Ji haan aap hello bole sakti hain.

Magar agar kisi musalman ka phone aaya ho tab aap salam karein to ye hello se behtar hai.

 

Ab aayiye lafz “hello” ke talluq se jo galat fehmiyan  hain unko janane ki koshish karte hain.

Log kehte hain

1. “Hello, hell se bana hai yani jahannam. Aur hello ka matlab hota hai aye jahannami.”

Ye baat durust nahee hai. English mein hello lafz hell se nahee bana hai. Hello english mein ek harf e nida hai. Jo sirf mukhatib karne ke liye kaam aata hai.

 

2. “Hello kehna gairaun ka tareeqa hai.”

Hello kehna gairaun ka tareeqa nahee hai ye ek sirf angrezi culture yani tahzeeb ka hissa. Waise to hazaraun cheezein angrezi culture ki hum istemal karte hain magar wahan ye sawal nahee uthata ke ye gairaun ka tareeqa hai. Jaise baat cheet mein kayi angrezi alfaz istemal karna. Angrezi mein gali galoch karna, facial and beauty cream istemal karna, naye naye fashionable jute aur chappal istemal karna etc etc.