kayi jagha aisa hota hum burkha phense koi kam jalde nhi hota hy……tub hum ne kya karna chahiye?

Aap ka sawal:

Assalamualaikum

Q.khi jgha aasa hota hum burkha phense koi kam jalde nhi hota hy……tub hum ne kya karna chahiye?

 

Jawab:

Alahamdulillah hum musalman hain aur allah ki zaat par imaan laye hain.

Allah ka ek naam hai

“AL WALIYYUN” yan karsaaz, kamaun ka banane wala.

 

Jab hum aise allah par imaan laye hain jo hamare kamaun ko kar ke dene wala hai to hamein kis baat ki fikar. Humein bas apni koshish karni hai baaqi achcha anjaam allah ke haath mein hai iss liye us se dua karenge.

 

Dua to momin ka zabaradast hatiyaar hai.

Allah ke rasool s.a.w. ne farmaya

“La yuraddul qadr illaddua”(bukhari).

Yani taqdeer ko koi cheez nahee badal sakti magar dua.

 

Agar aap kisi kaam ko jaldi se karana chahti hain to koshish bhi kijiye aur dua bhi kijiye. Agar wo cheez aap ki taqdeer mein nahee hai tab bhi allah aap ko dega taqdeer badal kar dua ki wazah se.

 

Baat burkhe ki nikali hai iss liye ye baat keh raha hoon aap iss baat ko bura na maane aur isko positive way mein lein.

Jiss tarah burkha pehanane se kaam jaldi nahee hote to ye silsila yehi nahee rukta. Balke baaz jagah to bagair burkhe ki aurataun ke bhi kaam jaldi nahee hote. Ab wo kya karein?

Aap bhi issi dunya mein rehti hain aur aap ko maloom hoga ke baat yahan tak bhi nahee rukti iske aage badhane ke baad bhi logaun ke kaam jaldi nahee hote. Ab wo kya karein?

 

Main maafi chahta hoon aisi baat karne ke liye magar kya karoon baat ko samazhane ke liye ye saari baat karni padhi.

 

Behrehaal, allah par bharosa rakhiye allah hamare liye kaafi hai madadgaar. Agar hum ek allah ke ho jayein to saari dunya hamare qadmaun mein hogi. Insha allah