khawatin B ed ya D ed karna chahe or wo job karna chahti hai muqammil parde me to kya uske liye durust hoga? Kya shariat ise pasand karti hai? Pl z wajeh kijiye jazakallah.

Shakir bhai

 

Aap ka sawal:

Assalamualaikum

Sarij bhai khawatin B ed ya D ed karna chahe or wo job karna chahti hai muqammil parde me to kya uske liye durust hoga? Kya shariat ise pasand karti hai?

Pl z wajeh kijiye jazakallah.

 

Jawab:

Sab se pehle shariyat iss baat ko pasand nahee karti ki aurat rizq ki zimmedari uthaye. Ye zimmedari mard par laadi gayi hai.

 

Aadmi mehnat kar ke kamayega aur apne biwi bachchaun ka peth palega. Aur aurat ki ye zimmedari hai ke wo ghar baar ki aur bachchaun ki dekhbaal karegi.

 

Taleem hasil karna ek alag masala hai. Islam ne taleem hasil karne se kabhi nahee rokta. Shariyat ke dayre mein reh kar koi bhi degree hasil ki ja sakti hai.

 

Ab sawal khada hota hai job ka.

Shadi se pehle, ladki ne jo kuch taleem hasil ki hai uss ke mutabiq agar wo shariyat ke dayre mein reh kar job karna chahti hai to kar sakti hai. Magar shadi ke baad iss se qatyi taur par parhez kare.

 

Rizq dene wali aur ameer banane wali zaat allah ki hai uss se achchi ummeed lagaye to allah shohar ke zariye se hi uss aurat ki har jayz khwahishar poori karega.