koi hindu salam kare to jawab dena sahi hai kya aur kisi hindu ko bhai keh sakte kya

Qadar ali bhai

 

Aap ka sawal:

Ass salam alaikum , siraj bhai allah aap ko sehat de aur aap k ilm me izafa kare bhai mera sawal hai koi hindu salam kare to jawab dena sahi hai kya aur kisi hindu ko bhai keh sakte kya aap ka chota bhai khader ali.

 

Jawab:

Gair muslimaun ko na salam kiya jaye aur na hi unn ke salam ka jawab diya jaye.

 

Saari salamati to momin musalmanaun ke liye hai jinko allah kareem ne islam ki nyamat se nawaza.

 

Agar kabhi koi gair muslim hamein majboor kare salam ka jawab dene ke liye to uss se bas itna keh dein

WA ALAIKUM

Yani tum par bhi wahi ho jo tum ne kaha hai.

(Sahee bukhari)

 

Issi tarah kisi hindu ko namaste ya pranam ya jai shri raam wagaira bhi nahee keh sakte. Kyunki iss mein shirk bhi hai aur uss qaum ki mushabahat bhi hai mukhatibat mein.

 

Haan albatta HI HELLO karne mein koi harz nahee hai.

 

Aap ke sawal ka dusra tukda jiss ka jawab nahee diya gaya wo ye hai

Kya hindu ko bhai keh sakte hain?

Ji haan keh sakte hain.

Aur haqeeqat mein wo hamara bhai hi hai.

Sure nisa ki aayat no 1 mein allah ne bhai bhai ka tasawwur diya hai aur kaha hai ke hum sab aadam aur hawwa ki hi aulad hain.

 

Issi tarah sure hujurat mein bhi allah ne yehi baat kahi hai.

 

Gair muslim ke salam karne par yahdikumullah kehna nahee chahiye. Kyunki iski koi daleel maujood nahee hai halanke ye hamari aqal mein aane wali baat hai jiska matlab hai allah tumhe hidayat de.

 

Jiski daleel maujood na ho wo deeni eatebaar se hamara amal nahee ban sakta chahe wo kitna hi sahee kyun na ho.