Kuch log Mohammed (saw) k naam se qurbani karte hai ya (bail/gai) may unke naam se hissa rakhte hai, Kya ye sahi hai ?

Sawal:
Ques. for Siraj Bhai

Q: Kuch log Mohammed (saw) k naam se qurbani karte hai ya (bail/gai) may unke naam se hissa rakhte hai,
Kya ye sahi hai ?

Plz answer in detail
JazakAllah.

Asked By : Aaqil Baig (Aurangabad, MH, India)
Asked at : 03 – 10 – 2014, 11:06am
Asked In : Faham-e-Quran group
—————-

Jawab:
Nabi s.a.w. ke naam se qurbani karna ya hissa lena durust nahee hai. Iss zimen mein koi sahee hadith maujood nahee hai.
Hzrat Ali r.a. ki ek hadith mein iss ka zikar milta hai, magar wo hadith sahee nahee, iss liye uss se istedlaal karna bhi durust nahee.
Agar bil-farz ali r.a. wali hadith ko maan liya jaye to uss hadith mein hzrt Ali r.a. ke liye wo khas amal tha jiss ki wasiyat ya hukum ya aap s.a.w. ne diya tha.
Yehi wajah hai ke dusre sahaba r.a. ne aap s.a.w. ke naam se kabhi qurbani nahee ki.
Jab aap s.a.w. ke daur mein koi sahabi aap ke naam se qurbani nahee karte to ye haq humein kahaan se mil jata hai. Agar ye amal durust hota to uss waqt ke sahaba bhi aap ke naam se qurbani karte, magar sahaba ne aisa nahee kiya.

Ek ishkal yahan ye paida hota hai keh nabi s.a.w. ne to apne ummatiyaun ke naam se qurbani ki hai to hum aap s.a.w. ke naam se qurbani kyun na karein?
Iss ka jawab ye hai keh nabi s.a.w. ne apni ummat mein unn logaun ke naam se qurbani ki hai jo qurbani ki taqat na rakhate hoon.
Jaisa keh hadith ke ye alfaz hain,
هَذَا عَنِّي وَعَمَّنْ لَمْ يُضَحِّ مِنْ أُمَّتِي

Tarjuma:
Ye qurbani meri aur mere unn ummatiyaun ki taraf se hai jo qurbani nahee kar sakte.
(Sunan Tirmizi – 1521 , Sunan Abu Daud – 2810 )

Hadith ke alfaz se saaf wazeh hai keh agar hum qurbani kar sakte hain to aap s.a.w. ki wo qurbani hamare liye nahee thi.
Issi tarah agar hum aap s.a.w. ke naam ki qurbai karte hain to iss ka ek maana ye bhi nikalta hai ke aap s.a.w. qurbani nahee kar sakte the, magar ye baat bilkul durust nahee hai, aur nabi s.a.w. ki shan mein gustakhi bhi hai.

Agar hamara maqsad aap s.a.w. ko esaal-e-sawab pahoonchana hai to ye bhi galat hoga kyunki aap s.a.w. ke paas bohat sawab aur nekiyan hain ussi ki badaulat wo ALLAH ke pyare aur habeeb hai.
Hamari ye auqaat nahee hai ke hum aap s.a.w. ko esaal-e-sawab pahoonchayein.

Behre kaif, nabi s.a.w. ke naam se qurbani karna ya hissa lena durust nahee hai.

————————
for more Que. / Ans. , visit here:
http://www.sirajinamdar.com/index.php/all-que-and-ans/

Agar aap Siraj bhai ke QURAN aur SAHEE HADITH ke msgs chahte hain to iss number par “Add Me” likh kar msg send karein,

WhatsApp No.: +918007775053