Kya baalon(Hairs) ko neck ke ooper jode wagaira ki shakl me badh kar namaz padhi jae to kya namaz ho jaeingi?

Aap ka sawal:

Assalamualaikum WarahmatullahiWabarkatuhu,

Kya baalon(Hairs) ko neck ke ooper jode wagaira ki shakl me badh kar namaz padhi jae to kya namaz ho jaeingi?

 

Jawab:

Ji haan namaz ho jayegi. Magar iska talluq namaz se nahee hai bulke parde yani haya se hai.

 

Allah ke rasool s.a.w. ne bhi iss qisam ke jude ka zikar kiya hai uss hadith mein jiss mein aap s.a.w. kehte hain ke aisi auratein jannat ki khusbu bhi nahee soong sakti.

 

Ye ek hair style ho sakta hai jo khubsurati ko badhane ke liye istemal kiya jaye. Magar ye style kisi gair ko rizhane yani attract karne ke liye na ho balke apne shohar ke liye ho.

 

Jo ladkiyaan shadishuda nahee hain wo bhi chahein to iss style ka istemal kar sakti hain magar poore parde ke ahtemaam ke saath. Agar ye style apne ghar mein bhi use kar rahi hain tab bhi balaun ka juda bandhane ki wajah se aap ki gardan yani neck aur peeth ka hissa nahee nazar aana chahiye. Aap ye style functions mein bhi use kar sakti hain magar poore parde ke saath.

 

Allah ke rasool s.a.w. ne farmaya.

AL HAYA AU MINAL IMMAN

Haya imaan mein dakhil hai(sahee bukhari).