Kya Hawa a.s Ne hi adam a.s ko behkaya tha ? Kyu k Mardo ka mamla ye hai k Aurat ko hi badnam karte hai kuch bhi mamlat ho toh ta’ana dete hai k aurat bht buri rehti fitnah krte n etc phir misal dete k adam a.s ko jannah se nikalne wali aurat hi thi..? Toh quran aur hadith se smjhaiye k hum kya kahe aisi bato par?

Aap ka sawal:

Aasalamualaikum wrahmatullahi wa barakatahu …

Kya Hawa a.s Ne hi adam a.s ko behkaya tha ? Kyu k Mardo ka mamla ye hai k Aurat ko hi badnam karte hai kuch bhi mamlat ho toh ta’ana dete hai k aurat bht buri rehti fitnah krte n etc phir misal dete k adam a.s ko jannah se nikalne wali aurat hi thi..? Toh quran aur hadith se smjhaiye k hum kya kahe aisi bato par?

 

Jawab:

Ji nahee. Aadam a.s. ko hawwa a.s. ne nahee behkaya.

Aadam a.s. ko jannat se nikalne wale hazrat hawwa a.s. nahee hain.

 

Quran ne unn ke jannat se nikale jane ki wajah sirf hawwa a.s. ko nahee bataya. Iss qisam ka aqeeda christians yani esayi log rakhate hain. Issi wajah se wo log har fasad hi jad aurat ko samazhte hai.

 

Jannat se nikale jane ki wajah dono log the yani hazrat aadam a.s. bhi aur hazrat hawwa a.s. bhi. Quran dono ki galti batate huwe iss tarah kehta hai

RABBANA ZOLAMNA ANFUSANA

(sure aaraaf)

Yani aye allah hum dono ne apne aap par zulm kiya teri na farmani kar ke.

Iss aayat mein 2 ka tazkira hai aur kaha ke dono ki galti thi iss liye dono ne apne rabb se maafi mangi.

 

Jiss mein burayi ho wo bura hai chahe wo mard ho ya aurat.

Issi tarah jo fitna kare wo fitteen hai yani fitnebaaz hai chahe wo mard ho ya aurat.

Haan ye aur baat hai ke allah ke nabi s.a.w. ne farmaya

Qayamat ke nazdeek meri ummat ke liye aurataun se bada fitna koi na hoga.

(Bukhari wa muslim)

Iss hadith mein deeni wa dunyawi  eatebaar se jo fahhashat aur burayi aurat ke zariye phail rahi hai jiss mein log mubtala ho rahe hain uski taraf ishara hai na ke aam taur par aurat ko fitna kaha gaya hai.