Kya Hazrat Muhammad s.a.w. khawab me dikhte hain ya nahi?

Aap ka sawal:
Hazrat Muhammad SWA khawab me dikhte hai ya nahi?

Jawab:
Iska jawab thoda sa logical.

Allah ke nabi s.a.w khwab mein aa to sakte hain magar sab se bada sawal ye hai ke hum unhein pehchanenge kaise?

Jitini bhi alamatein aap s.a.w ke chehre ke talluq se ahadith mein aayi hain wo alamatein bohat se logaun mein paayi ja sakti hain.
Islam mein murti pooja yani statue worship nahee hai. Issi liye aaj hamare pass allah ke nabi s.a.w ki koi tasweer nahee hai. Agar aap s.a.w hamare khwab mein aa bhi jayein to hum unhein pehchan nahee sakte.

Sahee bukhari ki hadith mein aata hai ke allah ke rasool s.a.w ne farmaya
“Jis ne muzhe khwab mein dekha uss ne muzhe hi dekha, kyunki shaitan meri surat nahee le sakta.”

Iss hadith par gaur karein to maloom hota hai ke allah ke rasool s.a.w. ne ye kahaa hai ke shaitan meri surat nahee le sakta, magar ye nahee kaha ke shaitan jhoot nahee bole sakta.
Lihaza aisa ho sakta hai ke shaitan kisi ke khwab mein aaye kisi achchi khoobsurat shakal mein aur kahe ke wo mohamnad s.a.w hai.
Shaitan bada dhokebaaz aur jhoota hai.

Aur to aur jiss hadith mein allah ke rasool s.a.w. ne kaha hai ke jiss ne muzhe dekha uss ne muzhe hi dekha hai. Ye asal mein ek khush khabri hai unn sahaba ke liye jo madina ke bahar rehte the aur allah ke rasool s.a.w. se milne ke khwahishmand hote the.
Iss liye allah ke rasool s.s.w. ne ek dusri hadith mein farmaya
“Jiss ne muzhe khwab mein dekha wo muzhe se dusre din aa kar milega (bukhari).

To maloom huwa ke aaj agar koi aap s.a w ko khwab mein dekhe to uski mulakat dusre din allah ke rasool s.a.w. se honi chahiye.
8:20pm, 1 Feb – Mehwish Khan: Matlb ke Ye hadith us waqat keliye hi ti.
8:21pm, 1 Feb – Mehwish Khan: Matlb sahaba ikram keliye
8:25pm, 1 Feb – Siraj Inamdar: Ji haan, waise to khaas taur par sahaba ke liye hi thi.
Magar hadith ke alfaaz aam bhi hain iss liye aaj ke daur ke liye bhi maana jaye to wo saare sawalat khade hote hain jo maine ooper bayan kiye hain. Jaise hum khwab mein allah ke rasool s.a.w ko pehchanenge kaise kyun ki allah ke nabi s.a.w. ki koi tasweer hamare pass nahee hai.