Kya ladies lipstick use kar sakhti hai?

Aap ka sawal:

Kya ladies lipstick use kar sakhti hai?

 

Jawab:

Lipstick ke jayaz ya na jayaz ka ziyada masala nahee hai. Masala hai uss ke kasrat se istemal karne se lips ki jild dinn ba dinn kharab hoti jaati hai. Lipstick ke glamour se ziyada nuksanat hain. Bohat saari lipstick aisi hain jinn ke lagane se waju ka paani jild takk nahee pahoonchta.

Lipstick usi ko nahee kehte jo market mein milti hoon. Agar kisi khas mauqe par koi bhi colour wala paper lips ke liye use kar le to bhi wo lipstick ka kaam karta hai.

Lipstick se murad lips ko rangana. Iss mein koi harz nahee hai. Magar market mein jo lipstick milti hain uss mein nuksaan ziyada hota hai.

Glamour ke liye chemical ka istemal karke apni jild ko kharab na karein. Glamour ke taur par aap aisa rang ka colour use kar sakti hain jiss se fitri jild ko nuksan na ho. Iss ko bhi aadat na bana lein. Allah ne khud insaan ko behtareen sanche aur shakal wa surat mein paida kiya hai. Aur aurat ba zaate khud fitri taur par khoobsurat hoti hai. To ussi fitri khoobsurati ko qayam rakhein to ye ziyada achcha hai.