Masjid aur imam sahab ka gar ka chhat ek hi hai to imam sahab ka us ghar me faimeli ke sath rahna kaisa hai

Mujeeb sahab

 

Aap ka sawal:

Assalamu alaikum siraj bhai ek mas ala hai masjid aur imam sahab ka gar ka chhat ek hi hai to imam sahab ka us ghar me faimeli ke sath rahna kaisa hai

 

Jawab:

Jab masjid aur imam sahab ka ghar ye dono alag hain jaisa ke aap ke sawal se hi maloom hota hai, to iss mein koi haraj nahee, bhale hi dono ki chhat ek hi kyun na ho.

Aise ghar ko hujurah keh sakte hain yani wo ghar jo masjid se laga huwa hai. Waise to arabi mein ghar ko jahan BAIT kehte hain wahin HUJURAH bhi kehte hain magar quran aur hadith se hamein ye pata lagta hai ke jab bhi nabi s.a.w. ke ghar ka tazkira huwa to lafz HUJURAH aaya hai. Kyunki nabi s.a.w. ka ghar masjid se laga huwa tha. Yahaan takk ke nabi s.a.w. masjid mein eatekaf karte aur masjid mein reh kar apna sarr apne ghar ki khidki se mayi aayisha r.a. ko dete aur wo aap s.a.w. ka sarr dho detien.