mein ne aaj tak india me kisi bhi masjeed me jitne bhi masajeed me namaz padhi hai sab ne attahyat ke baad salam phera phir sajda sahu kiya…han lekin yahan saudi arab me waisa hi kiya jata hai jaisa ke aap ne bata….aisa keun plz explain

Aap ka sawal:
dear siraj bhai, Mein ne aaj tak india me kisi bhi masjid me jitne bhi masajid me namaz padhi hai sab ne attahyat ke baad salam phera phir sajda sahu kiy (Yani qa’ade mein sirf At-Tahiyaat ke baad, bagair darood-e-Ibraheem aur dua-e-Masura padhe, sajd-e-sahu karna) han lekin yahan saudi arab me waisa hi kiya jata hai jaisa ke aap ne bata….aisa keun plz explain……

Jawab:
1. Islam kisi shaks ki ya log aun ki meraas nahee hai. Log aate hain chale jaate hain. Naye naye tajruba bante hain fana ho jate hain. Taqreebab 1450 saal se iss dunya mein kayi tabdeeli yaan runuma huwi hain magar (alhamdulillah) islam apni jagah par jaisa ka waisa maujood hai iss mein koi tabdeeli nahee aayi. Musalman quran ke talluq se to ye aqeeda rakhate hain ke aaj takk iss mein zer aur zabar ka bhi faraq nahee aaya, magar poore islam ke talluq se aisa aqeeda nahee rakhate. Nabi ke ahkamat ke talluq se aisa aqeeda nahee rakhate. Aisa kyun?

2. Islam mein ALLAH aur uske RASOOL s.a.w. ki ahmiyat hai. Sahaba, tab aeen aur taba tab aeen ki ahmiyat hai. Magar log aun ki koi ahmiyat nahee hai aur na hi unke tajrubaat ki koi ahmiyat hai. Insaan ke tajrubaat sahee bhi ho sakte hain aur galat bhi.
Agar poori dunya bhi quran ya sahee hadith ke khilaf amal kare tab bhi poori dunya galat hogi. Aur sirf ek shaks quran aur sahee hadith par amal kare aur poori dunya uss ke khilaf ho tab bhi wo ek shaks sahee hoga.
Issi hindustan ki baat hai, ek zamana tha ke MOHARRAM mein baag ya sher bann kar nachana deen e islam tha. Harr koi isko sahee samazhata tha. Magar jaise jaise logaun mein ilm badhata gaya log iss ko galat samazhane lage. Bida’at aur khurafaat samazhane lage. Logaun ke kisi cheez ko sahee samazhane se ya uss par amal karne se wo cheez sahee nahee ho jati.

3. Kisi cheez ko sahee hone ke liye ya kisi amal ko sahee hone ke liye daleel darkaar hai. Jiss amal ki daleel hogi wo amal sahee hoga. Log bazaate khud daleel nahee hain. Balke daleel unhein sahee ya galat qarar deti hai.
Maine ooper ke masale ko logaun ke mutabiq nahee samazhaya balke daleel ke mutabiq samazhaya hai. Log sahee bhi ho sakte hain aur galat bhi magar daleel se sabit kiya gaya sahee istedlaal hamesha sahee hota hai.

4. Lihaza log hamare liye daleel nahee hain. Hindustan ki masjidaun mein kya hota hai aur saudi ki masjidaun mein kya hota hai iss se hamein koi matlab nahee hona chahiye. Hamare liye koi desh yani country ya ilaqa daleel nahee hai. Hamare liye ALLAH aur uska RASOOL daleel hain. Hum logaun ki itteba nahee karte balke hum QURAN aur SAHEE HADITH ki itteba karte hain.

5. Sajad e sahu ke tareeqe ke talluq jo masala hum ne bayan kiya hai uss ke kayi dalail hain magar jo masala aap ne zikar kiya hai uss ke dalail kyun nahee milte? (Yani qa’ade mein sirf At-Tahiyaat ke baad, bagair darood-e-Ibraheem aur dua-e-Masura padhe, sajd-e-sahu karna)

Islam ki misaal ek khubsurat gaadi ki hai. Iss ke driver badalte rehte hain. Achcha driver aaye to gaadi achchi aur bura driver aaye to gaadi bhi buri nazar aaye to ye tajziya aur logic galat hogi.
Agar koi driver accident kar de to kabhi koi ye nahee kehta ke gaadi kharab thi. Balke ye kaha jaata hai ke driver sahee nahee tha.
Bilkul issi tarah agar aap ko dunya mein QURAN aur SAHEE HADITH ke khilaf koi amal nazar aaye to aap islam ko galat na samazhein balke iss galat masale par amal karne wale logaun ko galat samazhein.

————————
Note: Please dont alter / edit this msg when you are farwarding. This is one type of Khiyanat in the eye of writer.
Meharbani kar ke iss msg mein koi tableeli ya kami wa beshi na karein. Ye ek tarah ki khiyanat hai musannif ki nigah mein.
Aur kisi ki mehnat ko zaya karna achchi baat nahee.

————————
for more Que. / Ans. , visit here:
http://www.sirajinamdar.com/index.php/all-que-and-ans/

————————
Subscribe
to get latest videos on YouTube of Quranic Tafseer, Hadith Explaination, Dars, Bayan, Lectures etc of Siraj Inamdar.

Just click the beloe link
http://www.youtube.com/subscription_center?add_user=sirajinamdar

————————
Agar aap Siraj bhai ke QURAN aur SAHEE HADITH ke msgs chahte hain to
1. Iss Number ko apne contacts mein Save karein, +918007775053
2.Aur issi number par “Add Me” likh kar whatsapp msg send karein.

(Aur plz iss number ko kisi bhi group ya apne broadcast list mein add na karein. Aur na hi iss number par kisi qisam ka msg bhejein.)