Mera q ye h k kisi jagah pr muslim khawatin ka burkha pahanna aloud nhi h aur iske liye uske shouhr b ijazat derahe h to kya yeh durust h.

Aap ka sawal:

Assalamualaikum

Mera q ye h k kisi jagah pr muslim khawatin ka burkha pahanna aloud nhi h aur iske liye uske shouhr b ijazat derahe h to kya yeh durust h.

 

 

Jawab:

Aap ka sawal bada aham hai. Main samazhta hoon aisa sawal bohat si khawateen ke zahan mein aata hoga.

 

Khawateen ka burkha pehanana ye kisi moashre ya shohar se juda huwa nahee hai. Burkha pehanana yani parda karna aur haya mein rehna ye bandi aur allah ka mamla hai. Iss liye ye allah ki raza aur uski narazgi se juda huwa hai.

 

Agar kisi aurat ko uska shohar aur uska moashra kisi aisi cheez ki ijazat de jo usko pasand nahee hai aur wo insaniyat ke dayre se bhi bahar ho to kya wo aurat us kaam ko karegi?. Nahee na?

Jaise china mein chuhe, mendak aur saanp khana aur har qisam ke keede makode khana ek aam baat hai. Agar kisi musalman aurat ko uska moashra aur uska shohar dono usko ijazat dein inn cheezaun ko khane ki to kya wo aurat khayegi?. Nahee na? Hargiz nahee.

 

Iss liye, aye allah ki bandiyo jo kuch tum haya karo ya parda karo ye amal sirf aur sirf tumhara aur tumhare rab ke beech ka mamla hai. Iss liye isko apne dill se karo kyunki tumhari qabar mein aur maidan e hashra mein tumhe bachane na tumhara moashra aane wala hai aur na hi tumhara shohar.