Plz Shabe Barat per roshni daliye.I mean us Raat AAP saw ne kya kiye te?aur Hume kya karma chahiye?

Aap ka sawal:
Assalamualaikum,
Plz Shabe Barat per roshni daliye.I mean us Raat AAP saw ne kya kiye te?aur Hume kya karma chahiye?

Jawab:
SHAB yani raat
BARA’AT yani bezargi ka izhar karna ya chutkara pana.

Iss mein pehla lafz farsi hai aur dusra arabic.

Aam taur par 15th shaban ko shabe barat manayi jaati hai.
Awwam mein poore saal bhar mein 3 raatein jagne ki maani jaati hain
1. Shabe Meraj
2. Shabe Barat
3. Shabe Qadar

Magar yaad rahe, jo log quran aur sahee ahadith ka ilm rakhate hain wo jante hain ke sirf ek hi jagne ki raat sabit hai. Aur wo hai SHABE QADAR jo ramazan mein aati hai.

Shabe barat ki fazilat mein jitni bhi riwayaat milti hain unn mein aksar zaeef aur mauzoon yani mann ghadat riwayaat hain.

Shabe baraat ko ulema ne bidaat mein shumar kiya hai. Iski wajah ye hai ke poori nubuwat ki zindagi mein kabhi allah ke rasool s.a.w. ne iss raat ka koi khaas ehtemaam nahee kiya aur na hi kabhi jaga. Iss talluq se ek riwayat pesh ki jaati hai ke nabi s.a.w. ne iss raat jannat ul baqi ki ziyarat ki. Magar ye riwayat sahee nahee hai.
Issi tarah poore sahaba ke daur mein kabhi kisi sahabi ne iss raat ka koi ehtemaam nahee kiya. Issi tarah kabhi kisi tabai ne aur na hi taba tabai rehimahullah ne iska ehtemam kiya.
Ab jiska suboot na quran mein mile na ahadith mein aur na hi nabi ki zindagi mein aur na hi kisi sahabi ki zindagi mein to wo bida’at hi kehlati hai.

Baaz ahale ilm hazraat shabe baraat ke subut mein quran ki aayat pesh karte hain Sure Dukhan Aayat no. 1-6, magar ye unki bohat badi galti hai.
Kyunki ye aayatein shabe qadar ke talluq se hain na ke shabe baraat ke talluq se.

Ab baaz jahil log kehte hain ke agar iss raat ko ibadat ki jaye to iss mein kya harj hai. Ibadat karna gunah to nahee hai?
Main kehta hoon, agar koi shaks fajar ki 2 rakaat farz namaaz padhane ke bajaye agar wo 3 rakaat padhe to aap logaun ka kya kehna hai?
Zahir si baat hai wo shaks sawab ki niyyat se aisa kar raha hai. Aur usko sawab kyun na mile jab ke uska ek ruku badh raha hai 2 sajde badh rahe hain. Dusraun ke muqabale mein wo allah ka zikar ziyada karr raha hai.
To yaqeenan aap ye kahenge ke uss shaks ka 2 rakaat fajar ke bajaye 3 rakaat fajar padhana uss ko gunah mein daal dega kyunki wo islam ke khilaaf ja raha hai. Nabi ke tareeqe ke khilaaf ja raha hai.
Bilkul issi tarah jo raat islam ke mutabiq sabit na ho uss ke manane par sawab nahee milega balke gunah mil sakta hai.