Question: Aksar hum log dekhte hai ke humare kai bhaiyo ke naam Allah ke naam per hote hai Ex. Abdul raheman, Abdul Hamid etc. Lekin log unhe pukarte waqt Abdul ka istemal nahi karte aur ye gunah hai, agar hum unke naam ke baad bhai ye word istemal kare jaise Ex. Raheman Bhai, Hamid bhai etc. To kya ye chal sakta hai?

Tausif bhai

 

Aap ka sawal:

Question: Aksar hum log dekhte hai ke humare kai bhaiyo ke naam Allah ke naam per hote hai Ex. Abdul raheman, Abdul Hamid etc. Lekin log unhe pukarte waqt Abdul ka istemal nahi karte aur ye gunah hai, agar hum unke naam ke baad bhai ye word istemal kare jaise Ex. Raheman Bhai, Hamid bhai etc. To kya ye chal sakta hai?

 

Jawab:

1. Tausif bhai muzhe nahee pata ke ye sawal aap ka hai ya kisi aur ka. Bahre haal, jab sawal karein to sawal mein kahein par bhi hukum maujood na ho jis par sawal kiya gaya hai. Warna sawal karna bekar ho jata hai. Jaise iss sawal mein hai ke bagair abdul lagaye allah ka naam le lena gunah hai. Ab yahan par pehle fatwa to de diya aur fir issi fatwe par sawal hai ke kya naam se pehle bhai istemal kar sakte hain?

 

2. Khair fir bhi main jawab deta hoon.

Allah ka zatti naam sirf ek hai “ALLAH”

Aur ye naam ab tak kisi ne nahee rakha jab se dunya bani hai.

 

3. Allah ke bohat se sifaati naam hain. Jinn mein aise naam bhi hain ke wo sifat kisi aur mein nahee payi jati. Jaise RABB yani palanhar. Aur log naam rakhte hain ABDUR RABB. FATIR yani bagair kisi material ke paida karne wala. Aur log naam rakhte hain ABDUL FATIR. zahir si baat hai koi bhi aise shaksh ko RABB ke kar nahee pukarta. Aise naamaun ko bagair abd lagaye nahee pukarna chahiye.

 

4. Allah ke aise bohat se sifati naam hain ke wo sifat aam taur par insanaun mein payi jati hain. Yaqeenan wo sifat allah jaisi sifat nahee hoti. Jaise SAMEE yani sunane wala. Ab sunane wala har koi ho sakta hai. BASEER yani dekhne wala. Ab aam taur par sabhi dekhane wale hain. Aur jin ka ye naam hota hai unn mein wo sifat bhi hoti hai. Iss liye aise naamaun se pehle abd na bhi lagaye to koi haraz nahee.

 

5. Ab aap ko sirf ek kaam karna hai. Allah ke sifaati naamaum ki achche se study karna hai taake ye maloom ho sake ke kaunse naam se pehle abd lagana hai aur kaun se naam se pehle nahee.