Reiki technic se khudka aur dusro ki bimaari ka ilaj karna sahi hai.?

Aap ka sawal:

Reiki technic se khudka aur dusro ki bimaari ka  ilaj karna sahi hai.?

 

 

Jawab:

 

Reiki technic:

 

1. Ye ilaj ka tareeqa sirf aur sirf theories par depend hai.

 

2. Iss tareeqe  ko science kisi bhi angle se support nahee karta. Yani ye scientific treatment nahee hai.

 

3. Ye ek dharmic treatment hai. Chinese budhist treatment.

 

4. Iss ka support islam nahee karta. Yani islam mein iss  tareeq e ilaz ka koi subut nahee hai.

 

Meri inn bataun ke support ke liye main world wide analysis pesh kar raha hoon.

 

 

” The concept of ki underlying Reiki is speculative and there is no scientific evidence that it exists; a 2008 systematic review of randomised clinical trials concluded that “the evidence is insufficient to suggest that reiki is an effective treatment for any condition. Therefore the value of reiki remains unproven.”[4] The American Cancer Society,[5] Cancer Research UK,[6] and the National Center for Complementary and Alternative Medicine[7] have also found that there is no clinical or scientific evidence supporting claims that Reiki is effective in the treatment of any illness.”

Reiki tech:

Sab se pehli baat, main iss discussion se reiki technic ko galat batana mera maqsad nahee hai aur na hi aap ko galat khada karna mera maqsad hai.

Mera maqsad sirf ye hai ke iss technic ke chakkar mein kahein aap ka iman na chala jaye. Iss se aagah karna hi bas mera maqsad hai.

Ye ek hi technic nahee hai balke aise kayi technics hain jinn ko log istemal karte hain. Hamara maqsad har technic ko galat batana bilkul nahee hai.

Aap ki aur meri ab tak ki duscussion mein aap ne ye mana hai ke

1. Ye scientifically ya medically proved nahee hai.

2. Ye dharmic to hai magar jiss ne iski ibteda ki wo isko implement na kar sake.

3. Ye theorotical hai. Aur jo kuch fayda ho raha hai wo sirf tajrubaat ki wajah se.

 

Khair, aap ne bhi iss ko sirf issi liye mana hai kyunki ye islamic hai ya islam iska support karta hai……right

Dekhiye, kisi cheez par yaqeen karne ke mere paas do tareeqe hain.

1. Wo scientifically proved ho.

2. Wo jiska quran ya sahee hadith mein zikar  ho.

 

Science ko iss liye manta hoon kyunki wo sabit kiya gaya hai.

 

Islam ki bataun ko iss liye manta hoon kyunki uss par mera imaan hai. Halanki iss ki bohat si batein meri aqal se bahar hain tab bhi main unn cheezaun ko sachcha janta hoon kyunki ye mera iman hai.

 

Ab reiki technic agar andhvishwas se maani jaye to sahee hai.

Agar ye technic andhvishwas nahee hai to iska scientific ya islamic proof hona chahiye.

Palm energy flow

Iss talluq se kya koi quran ki aayat ya sahee hadith aap ke paas hai?

 

Kyunki esa a.s. ke talluq se quran mein aaya hai ke wo bimar ko achcha kar dete the BI IZNILLAH Yani allah ki marzi se.

Esa a.s. ba zaat e khud shifa nahee dete the.

Iss liye poore quran mein aur sahee ahadith mein iss baath ka zikar nahee hai ke jab esa a.s. kisi mareez par hath pherte to unke haath se energy flow hoti thi.

 

Fir ab main kaise manu ke esa a.s. isi reiki technic se ilaj karte the?

Aap muzhe call kar ke apna problem bata sakti hain.

 

Khair,

Aap sab se pehle ye decide karein ke aap reiki ko scientifically prove karna chahti hain ya islamically ya only experimentally.

 

Islamically iss ka koi prove nahee hai.

Aur islam ke hisab se gairaun ki mushabahat karne wala kal qayamat mein gaikraun ke saath unke dharam par hi uthaya jayega.

Muzhe yaqeen hai ke agar aap reiki ki practice karti rahi to aap qayamat ke dinn hindu budhist ke saath hi uthayi jayengi. Ek musalman ki hysiyat se uthayi nahee jayengi.

 

Scientically ye kabhi sabit nahee tha aur na hi kabhi sabit ho sakta hai. Kyunki iska base spritual hai science nahee.

 

Agar aap logaun ke experience ko proof ke taur par pesh karti hain to fir esayi mishanari kya buri hai. Wo to aap se bhi achcha reiki technic use karte hain. Jo experiment aap ne bataye iss se kayi ziyada christan missionary ke paas hai.

 

Main reiki technic ko aur iss qisam ke healing technic ke drawback ko achche se samazh sakta hoon.

Aap ko maloom hoga sprituality healing mein mera tajruba 18 saal se ziyada hai. Magar main sirf islamic technic hi use karta hoon. Jo kabhi fail nahee hoti alhamdu lillah.