rishto ko jode rakhneka bahot bada ajr hai.rishto ko jodne me akser gile shikwe hote hi hai,aur phir in gilo shikwo k dauran kisiki gibat bhi jaane anjaane me ho jaati hai. Kya distance maintain kerte hue bhi rishto ko zyada din tak jode rakha ja sakta.? Kya aisi surat me galatfhmiyo ka imkaan badh sakta hai jisse phir rishte kmzor ho sakte?

Aap ka sawal:

 

Salamalaikm,rishto ko jode rakhneka bahot bada ajr hai.rishto ko jodne me akser gile shikwe hote hi hai,aur phir in gilo shikwo k dauran kisiki gibat bhi jaane anjaane me ho jaati hai. Kya distance maintain kerte hue  bhi rishto ko zyada din tak jode rakha ja sakta.? Kya aisi surat me galatfhmiyo ka imkaan badh sakta hai jisse phir rishte kmzor ho sakte?

 

Jawab:

Rishtaun ko jodna kise kehte hain?

1. Aap ki taraf se talluqat istawar rahein bhale hi dusra istawar na rakhe.

2. Jab bhi mulaqat ho khush akhlaqi se milna. Jo narazgi ho uska izhar na karna.

3. Waqt aur halat ke tahat madad karte rehna bhale hi wo madad na kare.

4. Dawat qubul karna, rishtedar ki taimardari karna aur unke janaze mein shareek hona.

 

Inn sab bataun par amal kaise ho sakta hai?

Jawab: be-parwah zindagi guzarne se.

Yaad rahe ye lafz “la-parha” nahee hai balke lafz “be-parwah” hai. Jiske maane hain be-niyazi.

 

Beniyazi ki zindagi milna bhi ek nyamat hai.

Allah ke nabi s.a.w. ek bohat hi pyari dua manga karte the

ALLAHUMM INNI ASS ALUKAL HUDA WATTUQA WAL AFAF WAL GINA

yani aye allah main tuzh se sawal karta hoon mangta hoon hidayat, taqwa aur parhezgari, paak daamani aur be-niyazi.

(Bukhari muslim)

 

Iss hadith mein allah ke rasool s.a.w. ne 4 cheezein mangi hain unn mein ek beniyazi yani beparwahi hai.

 

Agar aap apni zindagi ji rahe aur ussi ka khayal hai to yaqeenan aap ke talluqat bhi achche hi rahenge.

 

Jab insan ke dill par chote lagti hai to gaali bhi nikalti hai aur issi tarah geebat bhi hoti hai. Beniyazi dill ki nyamat hai. Agar ye mill jaye jo fir dill par chote nahee lagti.

 

Log kya sochte hain aap uske zimmedar nahee hain. Magar aap kya sochte hain aur kya amal karte hain iske zimmedar aap hain. Log chahe kisi bhi galat fehmi mein mubtala kyun na ho wo aap ke zimme nahee hai. Aap apni taraf se sahee rahiye yehi kaafi hai.

 

Agar nazdeek rehne se rishtaun mein darar aa sakti hai aur pareshaniyaan badhane ka andesha ho to door reh kar rishtedaari ko jode rakhana chahiye.