Rizk me tangdasti kis wajah se aati hai aur usko door karne ke liye kya karna chahiye?

Tausif bhai

 

Aap ka sawal

Assalamualaikum Siraj Bhai

Mera ek sawal hai..

Risk me tangasti kis wajah se aati hai aur usko door karne ke liye kya karna chahiye?

 

Jawab:

 

Rizq ki tangi aane ki wajuhaat:

1. Har baar allah ki taqdeer galib aana.

2. Allah apne bandaun ke saath jo chahta hai karta hai. Jise chahta hai ameer banata hai aur jise chahta hai gareeb.

3. Rishtedari mein qata taluq karna.

4. Allah ki rah mein isteta’at ke mutabiq kharch na karna.

5. Rab se mangane mein susti aur kahili se kaam lena.

6. Khud ke liye qabar khodana yani income se ziyada expenditure ya fir income ke aane se pehle expenditure ke raste khole kar rakhana.

7. Qina’at ikhtiyar na karna yani jitni chadar ho uss se ziyada pair phailana.

8. Astagfaar yani apne rab se apne gunah ki maafi na mangana.

 

 

Ye kuch buniyadi wajuhaat hain jinka maine yahaan zikar kiya hai. Inn ke alawa aur bohat se ho sakte hain. Agar koi shaks quran aur ahadith ka mutaliya karega to allah uss ki behtareen tareeqe se rehbari aur rehnumayi karega.

 

Tangi ya tangdasti ko door kaise kiya jaye:

Jitne nukaat main zikar kiye hain unn sab ko ulta kar ke amal kiya jaye to insha allah masail ka hall nikalega.