Siraj bhai app se sawal hai jute pahnkar namz padhna kaha take sahi hai kau ke ye bt muje kal malum padi ke ye hamare nabi ki sunnat hai to aje harmuslman kau msjid me jute pahnkar namz nahi padta kau nabi ki itni aham suunnat ko chod diya hai abhi ke halat me jute pahnkar to masjid me gusne bhi nahi dete our aje take mene kisi bhi masjid me kisi ko bhi jute pahnkar namz padhta nahi dekha kaya vo jute sirf masjid ke liye he use kar sakte hai.muje jute pahnkar masjid me jakar namz kisi sahaba ke amal se sabit hai plzz ek hadish kaa ref.dena jazak ALLAHA BHAI

Jabbar bhai

 

Aap ka sawal:

Siraj bhai app se sawal hai jute pahnkar namz padhna kaha take sahi hai kau ke ye bt muje kal malum padi ke ye hamare nabi ki sunnat hai to aje harmuslman kau msjid me jute pahnkar namz nahi padta kau nabi ki itni aham suunnat ko chod diya hai abhi ke halat me jute pahnkar to masjid me gusne bhi nahi dete our aje take mene kisi bhi masjid me kisi ko bhi jute pahnkar namz padhta nahi dekha kaya vo jute sirf masjid ke liye he use kar sakte hai.muje jute pahnkar masjid me jakar namz kisi sahaba ke amal se sabit hai plzz ek hadish kaa ref.dena jazak ALLAHA BHAI

 

Jawab:

Joote pehan kar namaz padhane ke talluq se jo sawal hai wo sawal kisi ki zarurat nahee hai balke ye sawal sirf aur sirf eatrazan uthaya gaya hai.

 

1. ”

jute pahnkar namz padhna kaha take sahi hai”

 

Bilkul sahee nahee hai.

 

 

2. “kau ke ye bt muje kal malum padi ke ye hamare nabi ki sunnat hai”

 

Ye baat jhoot hai ye hamare nabi s.a.w. ki sunnat nahee hai.

 

 

3. “to aje harmuslman kau msjid me jute pahnkar namz nahi padta kau nabi ki itni aham suunnat ko chod diya hai”

 

Aap se ye kis ne keh diya ke ye aham sunnat hai. Wo zarur padha likha zahil hi ho sakta hai aur saath hi saath be-wakoof bhi.

 

 

4. “abhi ke halat me jute pahnkar to masjid me gusne bhi nahi dete our aje take mene kisi bhi masjid me kisi ko bhi jute pahnkar namz padhta nahi dekha”

 

Aap kisi ko kaise dekh sakte hain jabke ye sunnat hi nahee hai.

 

 

5. “kaya vo jute sirf masjid ke liye he use kar sakte hai.”

 

Masjid ke liye koi khaas joote nahee hote. Ye sab be-wakoofaun ki batein hai.

 

 

6. “muje jute pahnkar masjid me jakar namz kisi sahaba ke amal se sabit hai”

 

Ji haan, na sirf sahabi ke amal se balke khud allah ke rasool s.a.w. se bhi sabit hai.

 

 

7. “plzz ek hadish kaa ref.dena jazak ALLAHA BHAI”

Ye hadith sahee bukhari aur sahee muslim ki hadith hai.

 

 

Ab aayiye asal masala janane ki koshish karte hain.

Kya insan ki zarurat sunnat ban jati hai.?

Kya aaj tak kisi ne inn cheezaun ko sunnat kaha hai

A. Thookna

B . Khakharna.

C. Peshab karna

D. Paikhana karna

E. Palke jhapkana

F. Sarr khujana

Etc etc.

Jabke ye sab kuch allah ke rasool ne kiya hai.

Isko koi sunnat samazh kar amal kyun nahee karta?

 

Allah ke nabi s.a.w. ke daur mein jhoote pehankar namaz padhana ek zarurat thi. Ye sunnat nahee hai. Tabhi to baad mein sahaba ne isko tarak kar diya. Kya hum sahaba se ziyada sunnataun ko pehachanane wale hain?

Agar koi aisa aqeeda rakhe to uski dunya bhi gayi aur aakhirat bhi.