Siraj sahab ek sawal hai mera. Agar masjid me koi namaz padh raha hai to namazi ke samne se kotni doori se guzarna chahiye?

Sohel bhai

 

Aap ka sawal:

Siraj sahab ek sawal hai mera. Agar masjid me koi namaz padh raha hai to namazi ke samne se kotni doori se guzarna chahiye?

 

Jawab:

Jahaan wo namazi sajda karta hai, uske aage se guzar sakte hain. Yani ki ek saff chore kar.

 

Iss talluq se 3 saff ka aur 5 aur 7 ka zikar hota hai magar sahee baat wahi hai jo ooper bayan ki gayi hai.

Raif bhai

 

Aap ka sawal:

Siraj sahab ek sawal hai mera hum chink Aye alhadulillah aur jamai aye to astagfar padhte h.

Namaz ki halat me padhna jaiz hai ya nahi .

Q k jab chink ya jamai ati hai to apne ye alfaz zaban par ajate h. ??

 

Jawab:

Ji nahee, namaaz mein bilkul bhi cheenk aane par alhamdulillah nahee bole sakte.

 

Nabi e mohatram s.a.w. ne hamein namaz ke alawa mein cheenk aane par alhamdulillah kehna sikhaya hai.

Aur jo log sunte hain wo log iss cheenk ka jawab dein ye ek musalman ka haq hai. Aur jawab mein YAR HAMU KALLAH kahe.

Ye sunane ke baad fir cheenkne wala ye kahe

YAH DIKUMULLAAHU WA YUSLIH BAALAKUM.

 

ye hai poora sunnat tareeqa cheenk ke talluq se. Iss hadith ko imam bukhari r.a. ne riwayat kiya hai.

 

Jamayi shaitan ki taraf se hoti hai.

Jab insaan ko jamayi aaye to

1. apna haath mooh par rakhkhe.

2. Bilkul aawaz na nikale kyunki aawaz se shaitan hansta hai.

3. Mooh par haath kaise bhi rakh sakte hain iss mein koi sunnat tareeqa nahee hai.

4. Aur bilkul khaas baat, jamayi aane par ASTAGFIRULLAH nahee bolna chahiye. Kyunki ye sunnat se sabit nahee. Aur jo sunnat se sabit na ho usko BIDA’AT kehte hain.