Taqdeer k sath sath kya insan apne amal ka b zimmedar hota h? Qk agar WO galat kam ni Kare to use taklife ni hogi.phir hm zimmedar kise thahraye.kya hm ye bol sakte h k hmari kismat me likha that Jo galti mine ki h?

Aap ka sawal:

Q: Taqdeer k sath sath kya insan apne amal ka b zimmedar hota h? Qk agar WO galat kam ni Kare to use taklife ni hogi.phir hm zimmedar kise thahraye.kya hm ye bol sakte h k hmari kismat me likha that Jo galti mine ki h?

 

Jawab:

Taqdeer ke talluq se aam taur par bohat si galat fehmiyan hain.

 

Taqdeer allah ka ilm hai:

Allah ne iss qaynaat ki paidaish se 50,000 saal pehle taqdeer likh di thi.

 

Chunke allah ko sab kuch maloom hai ke kaun kya karega to allah ne taqdeer ki kitab mein sab kuch likh diya.

 

Jab allah ne insan ko paida kiya to usse ikhtiyar ki aazadi se nawaza.

 

Jab allah insan ko hukum deta hai achcha karne ka, aur wo insan uss hukum ko poora karta hai to allah khush hota hai. Agar wo insan allah ki na farmani karta hai aur burayi mein mubtala hota hai to allah uss se naraz hota hai.

 

Magar allah ko ye baat pehle hi maloom thi ke allah ke hukum dene ke baad wo banda kis cheez ko ikhtiyaar karega. Achchayi ko ya burayi ko. Ab allah ne bas isi baat ko taqdeer ku kitab mein pehle hi likh diya.

 

Iss liye insaan apne aamal ka zimmedar bhi hai.